L’ultimu riposu

Quanti luoghi connoscu, o cari amici
Duve dolce serebbi l’ ultimu riposu :
Cie l’ortu in piazza, e poi cie lu chiosu,
E la pieghia duve cantan’ le pernici.

Ci n’e unu a l’entrata di la mio vigna,
Fra l’ulivone e la ficuccia torta,
Ma chi liccia averebbi, si dopu morta,
Eo ci durmissi sott’à la rimigna !

Chi terra cara ch’averebbi adossu !
Chi nanne dolci e pien ’di melodia
Mi canterebbi lu fiume, Valli-rossu !

Ma n’un tenite contu di sta fantesia,
In campu-santu mi ferete un fossu,
Accantu a li mio cari : E cosi sia !